برافو عليك فكرتك ولا اروع قد فكرت فيها بس بشكل مختلف قليلا ولا عندي مانع اهديها لك فاستلمها.
اضف الي انشطك انك تعيش السياح او الاجانب المقيمين الحياه السعوديه في السابق (ينبسطون منها خاصه الامريكان والاوروبيين) كيف؟
سفــــــــــــــــــــــــــــــــــاري( او رحله صحراويه)
سوي لك مخيم في البر يكون بعيد عن مدينة الرياض ويكون مافيه اتصالات (الصمان مثلا) وحط لك كم ناقه وكم راس غنم وخليهم يسرحون فيهم .. مغامره.
الوجبات
المشروبات قهوه وشاي وماء وبس .
الفطور : قرص
الغداء والعشاء : اذبح لهم ذبيحه وسوي لهم كبسه.
كيف يجون السواح لعندك ويدرون عن الرحله الصحراويه
سوي اعلانات في المجمعات اللي يسكنون فيها بالرياض(وياكثرها) واعلن بالصحف اللي تصدر باللغه الانجليزيه (سعودي جازيت ,عرب نيوز)
العماله اللي تدير المخيم يفضل من الاخوه اليمنيين .
طبعا المخيم سوه بدون تكلف او اي تقنيه اهم شي خيام او بيوت شعر ووايت ماء ولايمنع انك تحط ماطور كهرباء.
برنامج الرحله الصحراويه مدته يومين يبداء من يوم الخميس الساعه السادسه صباحا الي يوم الجمعه الساعه الرابعه عصرا.
يفضل تحديد العدد 20شخص في كل مجموعه .
الاسعار :مايكفي لتحديد ربح معقول بعيدا عن الجشع .

وش رايكم بالفكره